ஆருயிரே !!!

ஆருயிரே !!!

அன்பே உயிரே ! ஆருயிரே !!

அன்பால் அனைத்து வாழ்ந்தாயே !

இன்பம் கண்டு திகைத்தேனே !

இன்னிசை போல வாழ்ந்தோமே !

இன்னும் வேண்டும் இக்கணமே 

இடையூறின்றி என்பேனே !!!

ஈகையில் உனையன்றி யாருமிலர்

உன்னிடம் உள்ளோர்க்கு உறவிருக்கு 

உனக்குள் அழகிய பண்புமிருக்கு 

உறவும் உயிரும் உனக்காக

உன்னால் வாழ்ந்த பலருண்டு

உன்னை வாழ்த்த நானுமுண்டு 

உனக்காக வாழ ஆசை கொண்டு 

உன்னோடு வாழ ஆவலும் உண்டு !!!

எனக்குள் எப்படி நீயும் வந்தாய் 

எண்ணம் முழுதிலும் ஆட்கொண்டாய் 

எண்ணிலடங்கா பல கற்பனைகள் 

எனக்குள்ளும் பல கனவுகளாய் 

என்னிடத்திலே அரங்கேறலாயின !!!

ஏனோ என் நினைவுகள் 

ஏதேதோ செய்ய விளைகின்றன என்னை ...

ஏங்கியும் காத்திருப்பேன் நீ இல்லா அக்கணத்தில் !!!

ஐயாறு நொடிகள் கூட 

ஐநூறாய் ஆனதென்ன...

ஒன்றா கதையுண்டு சொல்வதற்கு 

ஓராயிரம் கட்டிவைத்தேன் சொல்லாமலே !!

ஒளவளவும் நான் சொல்ல நாட்கள்தான் போறாதே !!!

என்னவனை நான் கண்டேன் 

எங்குமில்லை அவனை போலொருவன் 

எனக்கென கிடைத்தவனாய் !!

எண்ண இயலா பெருங்குணத்தவன் !!!

@சுதாரசி